今次活動約80人參與，大家喺山頂公園好好放鬆身心💪🏻！小朋友、中學生、家長同義工一齊野餐、玩遊戲，拉近彼此距離，享受大自然同輕鬆時光🌳

小學生：

今日天氣超好，我哋同義工哥哥姐姐去山頂公園野餐😍！一齊食好多美食，玩超大足球、羽毛球、數字球，仲捉迷藏（雖然佢哋成日捉唔到我哋😂），超開心，好希望下次再嚟😁！

中學生：

今日嚟到山頂公園，秋風送爽正適合郊遊😋！食飽飽後，有人吹長笛超精彩😍，仲學放風箏玩得投入，拉近大自然距離，同朋友傾心事❤️，遠離城市喧鬧，學習同生活壓力都舒緩咗。

家長：

今次活動天氣晴朗涼爽怡人😆，我哋早到公園霸位，邊放紙鳶、打羽毛球、吹泡泡，邊同其他家長吹水，平日忙到飛起，難得同仔女慢慢玩、充電，心曠神怡💚！

今年我哋繼續邀請理工大學學生一齊進行一團火嘅義工活動🤩 除咗參加機構本身嘅活動外，理工學生為一團火嘅唔同家庭都舉辦咗唔同嘅活動，創造咗好多回憶✨！我哋一齊回顧下今年下半年我哋組嘅活動啦🎊

O day⭐️

今次係理工大學學生同一團火第一次見面，我哋分享咗一團火嘅宗旨同以往嘅一啲活動🏸學生都分享咗點解佢哋選擇我哋嘅原因❤️‍🔥

之後就係分組時間～理工大學的學生分成幾組，兼且和自己負責的家庭見面🙆🏻‍♀️大家都傾得好開心

家訪日

我哋將理工大學學生分成兩大組，分別去咗兩個家庭做第一次家訪👣透過呢次嘅探訪初步了解咗家庭嘅情況同面對嘅困難，對佢哋嘅日常生活有更深嘅認識，兩個家庭都非常熱情，大家好似朋友一樣傾計💬

家訪活動 - 成語日📚

其中一組理工大學學生喺一次家訪中去咗屋企同阿茵做中文功課📄教咗阿茵好多成語～仲同佢玩咗成語大電視鞏固知識😎阿茵由一開始唔肯認真做變得主動話要玩大電視學習～學生都好有成就感，阿茵玩到唔捨得佢哋走🤣

家訪活動 - 溜冰日⛸️

其中一組學生帶咗家庭去Megabox溜冰⛸️阿茵已經期待咗好耐～媽媽望住阿茵溜得好開心，仲幫佢影咗好多相📸阿茵雖然話好攰但係玩得好開心，又係玩到唔捨得走👅😹

領袖空間興趣班- 扭扭棒

其中一組理工學生為大家舉辦咗扭扭棒活動～大家用唔同顏色嘅扭扭棒跟著哥哥姐姐扭成唔同嘅花，整咗鬱金香🌷、百合花同薰衣草🪻～同時都教導咗小朋友呢啲花嘅英文💁🏻‍♀️大家將自己整嘅花放入花籃入面，仲用咗剩餘嘅扭扭棒裝飾🎍大家嘅花籃都好靚好特別！小朋友都好鍾意❤️

每月活動 - 科技大學資訊日🧪🔬

上年去咗理工大學，今年由理工大學學生帶好多小朋友去科技大學🏫🔭學生分別照顧一至兩位小朋友，帶佢哋去唔同嘅攤位活動玩🏃🏻‍➡️都獲得咗唔同嘅禮物🎁，仲有免費爆谷食🍿 留低咗深刻嘅回憶💗

今次每月活動，我們與中小學生、家長及義工們一起到了科技大學資訊日參觀🎓。今次活動超過100人參與🥳！出發前每組都定下不同目標，如中學生索取小冊子去認識大學入學及課程資訊📚，而小學生亦透過不同攤位遊戲，從而發掘自己的興趣💡。

小學生：

今天來到科大的資訊日，見到好多新奇有趣的東西🤩，例如無人機和VR眼鏡體驗🕶️！義工哥哥姐姐一直陪著我們，有問題時他們都會耐心解答❤️。最後我們還拿到了好多精美的文件夾和環保袋🎒，超開心😆！

中學生：

今日嚟到科大都好開心😆，雖然我哋仲未好確定自己將來會選修什麼科目，但至少可以有個初步了解🙋🏻‍♀️🙋🏻。因為我哋有幾個義工是科大的學生，所以佢哋一路上都同我哋介紹科大📝，好似個導游咁✌🏻，仲可以呼吸新鮮空氣同欣賞科大的美景，十分寫意🏞️。

家長：

今天來到科大，我們乘車到大學附近的海邊🌊，吹著清涼海風，一邊拍照留念📸，一邊享受郊遊般的輕鬆氣氛🌿，大家都玩得非常開心😄，感覺就像一次愉快的家庭小旅行💖！

義工：

今天我們帶領中小學生參觀科技大學，分組進行活動🚀。在義工們的陪伴下，同學們都在大學資訊日中收穫豐富、玩得盡興😄。中學生順利取得各類課程小冊子、體驗VR遊戲🎮，加深了解升學資訊；小學生則嘗試了攀石🧗、劍道⚔️和爬龍舟等活動，個個滿載而歸，臉上掛著燦爛笑容😊。

今次開學後每月活動係電影採訪團，今日都係繼續去九龍灣睇戲，大約120人參加🙋🏻🙋🏻‍♀️。雖然遇上天氣不如意嘅情況，但係大家都照舊玩得盡興！😆

小學生

今日朝早打風好大雨🌧️，但係都不阻我哋帶住興奮嘅心情睇咗《咒術迴戰》同《劇場版歌之王子殿下》！😚

雖然有《咒術迴戰》好多劇情都睇唔明，但係啲歌都好好聽🎵，睇住啲角色打鬥睇到好興奮🥊😳！特別係白色頭髮嗰個！《王子殿下》套戲好短好快就完，我哋最鍾意嘅環節都係睇電影同埋食飯嗰陣！🎞️📽️🍚

中學生

今日係好輕鬆嘅一日，雖然出街嘅時候有落雨💧💧，但係好彩今日嘅行程好多喺室內，開咗學之後都一齊傾偈都傾得好開心，可以講新一學年嘅唔同趣事！💕📚🏫

之後我哋都係去睇《咒術迴戰》，但係有啲人因為冇睇過之前嘅劇情，所以都係好難明白劇情嘅細節。😔不過即使係咁我哋大家都覺得套戲嘅畫面或者打鬥劇情都睇得好緊張可以好投入😋，畫得好靚，首歌真係好好聽！😆😆

最後食飯嘅時候都食得好飽，又係繼續講關於我哋中學嘅唔同人和事，好開心嘅一日！🥰🥰🙌🏻

家長

今日天氣唔尚算好🌦️，亦都多咗人病😷，所以有好多其他家長同小朋友嚟唔到好可惜。

今日我哋睇咗《捕風追影》，攞到好靚嘅贈品✨✨，仲要好好睇！平時陪小朋友睇戲成日都會瞓着，但係我哋今次一啲睡意都冇，完全冇冷場過！真係好好睇！🌞

晚餐嘅時候同小朋友一齊食嘢🍜，望住佢哋玩得咁開心我哋見到都好開心，而且又可以認識到新嘅家長，一齊傾偈傾得好開心！😁希望下次電影可以再見，又睇多套咁好睇嘅戲！😆🥰🎥🎞️

過去一年，我們一團火在教會接待了許多基層學生，每個月都有新的家庭加入✨。從初次見面到逐漸適應和融入，這一切都有賴許多義工的投入參與和幫助🙌！在過去的暑期，我們繼續在領袖空間舉辦興趣班🎨。

我們舉辦興趣班的原因是，在過往的相處中，我們發現基層學生普遍對自己缺乏自信🫣。當詢問他們擅長的事或興趣時，許多學生往往無法給出明確的回答🫢。因此，自去年開始，我們開始了暑期興趣班，希望透過不同範疇的活動，例如藝術🎨、科學🔬、廚藝🍳等，陪伴學生發掘興趣、發展所長，並幫助他們建立自信💪🏻！

在其中一堂興趣班中，我們與基層家庭共同探索STEM範疇，活動的主題是製作氣球動力車🚗💨。我們首先介紹了氣球動力車的運作原理🧪，並進行了簡單的科學實驗🔍，讓學生們理解背後的科學概念。隨後，每位學生都有機會親手組裝自己的動力車🚙，並在車身上發揮創意，畫上圖案和裝飾🎉，最後大家共同爭奪「狂野時速獎」🏆及「最具外觀大獎」🏅！

基層學生在成長的過程中常常面臨許多挫折🙁。在學業上，由於家長的知識有限📚，未必能提供充分的指導，同時他們也較缺乏學習資源📖，這使得他們的自信心逐漸減弱🫣。雖然興趣班未必能讓他們在一堂課中學會大量知識，但我們希望透過探索不同範疇的活動，使基層學生能找到屬於自己的興趣和擅長的科目💖。這不僅能增加他們對學習的興趣👍🏻，還能幫助他們建立自信和成功感🌟，讓他們在成長的道路上擁有更多選擇🙋🏻‍♀️🙋🏻！

暑假尾聲，我哋義工同基層家庭又一齊喺九龍灣睇戲！今次活動反應熱烈，超過120人參與，場地幾乎坐爆晒，有啲義工仲要讓位畀學生睇戲，非常熱鬧🔥！大家全程好投入、笑聲連連，氛圍超正☺️✨

小學生：

今次活動小朋友分頭行動，男仔去咗公園放電🏞️，女仔喺戲院邊玩 board game 🃏 邊等睇戲，睇完戲一齊去食晚飯 🍽️，大家嘻嘻哈哈，好有愛～💖雖然有啲新面孔一開始未熟絡，但好快就玩得好開心好融洽😊

家長：

家長組分咗兩隊，有帶幼童嘅就睇咗《多啦A夢》 🎬；唔洗照顧住小朋友嘅家長投票揀咗《長安的荔枝》 🍑，終於可以享受一回難得嘅 Me Time 💆‍♀️💆‍♂️，relax一下！睇完戲仲一齊行街食飯 🛍️🍜，聊一聊育兒心得，同一班家長交流親子生活，氣氛愉快 ☺️

中學生：

暑期活動撞期，今次中學生參與人數少咗啲，但嚟到嘅學生都超級期待，《鬼滅之刃無限城篇》 🔥🎥 好好睇，戲院入面氣氛熱烈，大家好投入😎！睇完戲後，大家仲一齊協助處理學生組財政，超級有責任感 💪🏻

義工：

今次好多新義工加入，睇戲前大家一齊同小朋友玩game 🧩，投入又開心！特別欣賞見到咁多細路咁守規矩又聽話，感覺好溫馨 🥰，希望未來可以有更多機會一齊參與🌱

7月每月活動係一年一度嘅書展採訪團，大家無懼風雨，準時到達集合地點，各位義工與學生們都興致勃勃地向書展出發😆！

小學生：

琴日大家好擔心今日會打風落雨，今日早上見到陽光好開心☀️，我哋可以如常去書展！見到好多鍾意睇嘅書，買咗唔少本，滿載而歸💕 仲有玩VR，好好玩！原來書展唔單止可以睇書，仲有好多嘢玩😃 5樓有零食展，我哋上去買嘢食，休息一下😚 行咗差唔多三小時，睇書、買書、玩樂、食嘢，實在太開心了🥳

中學生：

雖然今日掛住三號風球🌪️，但都無阻大家前往書展嘅興致，我哋準時到達地鐵站🚇，仲提前列好「戰書清單」，諗好咗要買嘅書，例如漫畫📚、歷史書📜、教科書等😍 今日會場雖然好多人🥵，又迫又熱，但大家行足三個鐘都冇人喊累！一邊抹汗💦一邊搵自己心頭好，仲互相推介好書📚！

義工：

除了書本外，書展亦設有不同攤位，包括零食天地🍿、手作市場🎨及運動消閒博覽🏀等。義工們同小朋友一齊玩、體驗，最後更圍爐分享今日嘅喜悅😆，大家都玩得非常開心！起初大多義工擔心學生們會覺得書展沉悶，但經過今日，書展結合咗多種不同類型嘅書，大家都搵到閱讀嘅樂趣。

家長：

今次活動有新家庭加入，大家得以認識新朋友🤗。我哋一共遊覽咗會展每一個區域，書展中人流密集，書本繁多，令人眼花繚亂👀。大家藉此購買咗唔少書📚，除了買書，仲親手做咗中式永生花團扇🌸，收穫咗一把把美觀又解涼嘅團扇。另外，仲試食咗好多美食🍽️，大家都收穫滿滿😋！

6月每月活動繼續係電影採訪團，今次繼續同大家去九龍灣睇戲🎬，活動超過150人參加🙋🏻‍♀️。大部分中小學生已經考完試，所以大家心情特別輕鬆愉快😆！

小學生：

今日天陰🌥️，我哋繼續同班義工一齊去公園玩，踢球⚽️，追逐，雖然好熱🔥，但我哋一齊玩得好興奮同愉快。今日套戲馴龍記都好緊張刺激🫣，以為主角會從高處墮下，好彩條龍救了主角，真係嚇了一跳；然後，晚飯時大家一邊食嘢一邊傾計，真係好開心😃

中學生：

今日大部分中學生都考完試，所以大家都無負擔咁盡情玩。睇戲之前，我哋一齊去行Donki😍，仲去咗扭蛋，成班人一齊行街特別有趣，可以互相了解和分享喜悅。🥰 今日睇嘅電影緊張刺激，結局亦出人意表令人印象深刻。過程中大家都放下手機享受電影。電影結束後，我們一起玩遊戲，大家仲熟咗好多𠻹！😚

家長：

今次繼續有好多新家庭加入🧑‍🧑‍🧒‍🧒，我們分成不同小組。巨組長繼續負責財政工作💰，其餘小組則由幾位資深家長帶領🙋🏻‍♀️，幫助新家長認識一團火🔥，讓他們更快融入。今次我地去淘大戲院看電影，戲前一齊行附近商場，有家長仲有收穫𠻹！🥳

5月每月活動係電影採訪團，今次繼續同大家去九龍灣睇戲🎬，活動超過150人參加🎉，今日大家都精力充沛，十分有活力💪！

小學生：

今日有新朋友，有小學生cos了哪吒，有義工cos了漢堡神偷🍔一齊嚟睇戲😆。睇戲前，我哋仲去咗公園玩捉迷藏🏃‍➡️，有學生仲跑到跌左隻鞋入水池💦，好彩有義工幫手執返！

中學生：

今日一齊睇電影，有中學生cos了《世界計劃》Anna🫶🏻入場睇戲，今次我地係睇《職業特工隊》，睇戲時因為凳子的震動和主角的動作場面👊🏻，睇完都覺得好刺激，好好睇😍！

家長：

今日活動有好多新家長參與👨‍👩‍👧‍👦，我地組長介紹左一團火🔥俾新家庭認識，又一齊睇戲食飯，完左全靠有資深家長幫手做單📄，完成財政報告🙌🏻！

4月每月活動係電影採訪團，今日到九龍灣睇戲🎬，今次活動超過130人參加🍿，同時好多新家庭加入✨，大家都期待滿滿🥳🥳

小學生：

今日雖然下雨🌧️，冇得出去空地玩，電影好遲先開始，但我哋就喺電影院的草地上玩耍聊天😎，我地唔同組睇左唔同電影：《貓貓的奇幻飄流》同《MINECRAFT：我的世界大電影》，兩套戲風格不一，各有一番趣味🥳🥳

中學生：

今日我哋睇咗《贖夢》，內容講述每件事都是有因果的，做虧心事嘅人如果唔去面對曾所犯過錯，被惡夢纏繞，使精神憔悴🫩。電影運用恐怖的場景勸喻大家不要做虧心事，以及面對曾經的過錯💪🏻。電影過後，大家仲一齊食咗晚飯😋，宵夜仲食咗雪糕🍦，左一杯右一杯😋

家長：

今日有許多新家長參與活動，初次參與活動好緊張😬，花了不少的時間尋找到達電影院的路。看完電影後，一齊食晚飯，各自分享今日的感受，大家都相處融洽😁

🌟2024～2025 一團火年度結業禮🎓

3月嘅每月活動係我哋本年度嘅重頭戲——年度結業禮✨！今次活動超過150人參與，包括學生👩‍🎓、家長👨‍👩‍👧‍👦、義工同支持者，大家聚首一堂🤝，場面非常溫馨！當日我哋向每個群體頒發嘉許證書🏆，以表揚佢哋本年度嘅付出同參與💪🏻，仲邀請大家分享喺一團火學習、建立關係同成長嘅故事💬，嘉賓們亦為一團火學生和家庭送上鼓勵👏