RSS

一團火同學會營會回顧(28-29/08/2016)

我們願意為打破跨代貧窮出一分力,為一眾一團火義補學生(一團火領袖),舉行【一團火同學會】。暑假期間我們已經到了大部分【一團火領袖】的每個家庭【家訪】,邀請學生及家長與我們保持聯絡,我們會培育這班學生,學生及家長有什麼需要,我們會盡量找人出手幫助,為求培養一團火領袖成為日後社會上具影響力的知識分子。

今年暑假我們除了舉辦一連六星期的暑期活動,更在828829日在長洲舉辦了【一團火同學會營會】,旨在凝聚他們在一起, 為解決跨代貧窮出一分力。

活動中,一團火領袖(1)、實習生(註2)及同行者(註3)一同在沙灘嬉戲和燒烤。晚上,大家真誠地對話,毫無保留地分享生活中的各種喜與樂,加深我們對彼此的瞭解、聆聽不同朋友的生活故事。



//

領袖生感想

怡:「整個camp都挺輕鬆,愉快,相處時十分親切,沒有過多的猜忌。即使在面對一羣不熟悉的人,各人都願意在交談中真誠地分享生活上的難處、問題,令我對大家了解多了,認識多了朋友。那麼多人一起通宵捱夜,盡情玩,很難得。感謝同行者嘅陪伴,仲有實習生同 leader嘅幫手。

嘵:「雖然呢個camphea,但見到同行者即使第二日要番工,願意花時間陪我地挽到好晏,好開心。希望將來有更多時間一齊挽~

Sonia:「今次個camp好輕鬆同埋好開心因為有更多嘅時間去同大家傾計更了解大家」

寶:「今次嘅camp,係我最開心嘅camp,係camp裏面學咗好多,對一團火每一個人都了解咗好多,希望下次去camp,都可以咁人齊啦,一齊see you again😂

Idiot:「去依個camp,令大家從唔識到傾到計。夜晚都幾開心,分享左幾件事,知道你地開心唔開心d事,了解左你地。多謝所有要返工的人都去camp,第日清早就走,好感動。

//

實習生感想:
                        
Daniel:「今次嘅長洲camp,係我最難忘嘅camp,因為係camp裏面遇到不同年齡嘅人,大家分享不同的經歷,令我能認識大家更多,更能夠令我向每位做到真正亳無保留咁分享自己的故事,十分多謝大家,希望好快能夠同大家再次見面啦

Erick:「這個21夜的長洲camp, 令我可以增進對大家的認識, 感受到大家的關係更融洽, 特別在真誠對話的環節入面, 大家毫無保留地分享自己的生命片段, 有傷感的, 有憤怒的, 有遺憾的, 百感交集, 十分難忘。我好感謝實習生同伴們的策劃和幫忙, 亦感謝同行者們在百忙工作中抽空, 與我們通宵談天、玩樂, 最後感謝一團火領袖生們,多謝你地咁投入參與, 希望你地有所得著la!我地下次再見!

Michael:「通過這兩日camp,大家一起玩一起分享,令我們熟絡了不少。其中很深刻有人在夜談時邊說邊哭,可見大家都很認真分享,投入參與。雖然兩天時間過得很快,但相信這些回憶能被深深記住~(ps過完兩日camp回家很快睡了,真的很累,但也很值得

田雞:「係呢個camp嘅兩日入邊 玩咗唔同嘅活動 令大家由唔係好想講嘢摺埋一二邊 變成可以互相講心底話 又通埋頂睇埋日出 令各位之間嘅距離拉近 都俾自己一個機會去了解各位 好多謝各位努力同積極參與

Tammy我覺得個camp好開心。因為今次活動嘅時間比之前長,又比較自由,唔洗困係間房,有好多時間同班學生接觸、傾計玩。同大家嘅距離都近左,而唔係勉強自己搵話題,可以自在咁溝通。

Jessica好開心可以去依個camp,比個機會大家喺到吹水,認識更多。BBQ嗰陣大家都好合力,好快就執好野。夜晚吹水感受到大家都好坦白,分享左開心唔開心嘅事,知道你地諗法,進一步了解左你地。最後多謝所有helper,幫手攪依個camp,預備好多野。下次再攪的話,希望大家可以再黎一齊玩過啦。

鏇:我覺得營會是有存在意義的,起碼能讓中學生增加對一團火的接觸,而且又能了解學生多一些,但系好能因為吾系好熟既原因,佢地有d吾系挽得好放,又吾太願意表達心聲。但營會對於我來說是得著好大,由一開始book房吾知點算好,去到整件事完成,對我來說滿足感很大,但系因為吾知同d中學生講d咩好,所以有d被動,無咩同d中學生互動,如果之後再有camp,希望自己可以主動一點

//

同行者感想:

Grace呢個camp打破左我對camp既認知,平時去camp都係同一班認識左一段時間既朋友玩,而今次camp是同一班唔識既人玩,都有擔心過會唔會玩唔埋,傾唔到計。很高興認識了許多新朋友。希望大會再次舉辦類似活動。

Janet:「參予一群青少年的活動,由互不相識至融洽在一起玩樂,很有互動的力量。閒聊時聽到他們的話題多圍繞著校園及學業,雖與我的世界大不相同,但很energetic 富啟發性,衝擊著我的思緒,令我有著一股重拾學習的動力。
謝謝你們!31/8/2016

KH:今次呢個CAMP好有趣,能夠認識好多年紀比我少的朋友,可以聽到佢地成長上的經歷,亦都認識到自己與不同層面的朋友的相處之度,多謝各位參與朋友的努力,如果可以再有機會都好想再參加

Anthony:入呢個CAMP,本身諗住遲入早走,但最後都係寧願無點訓朝早先走。感覺好攰,但好開心。開心因為可以認識到一班好有趣的大小朋友,來自不同的背景和故事,難得聚首係同一個地方,為一班見面不多的學生做一點事。通宵傾計、玩和睇日出,應該自己是N年無做的事,今次CAMP一次過做到了。聽到好多不同的成長故事和分享,感動亦感謝。感謝每一個的真心和每位幫手和參與的HELPER、實習生和同行者,因為有你地的參與先有呢個CAMP的出現,有不足但也是一個學習和成長,thanks ^^互勉

//
1:一團火領袖是指所有一團火的義補學生,一團火旨在培育他們成為未來的社會領袖和知識分子。

2:暑假時,一團火會招募中六生成為一團火暑期實習生,邀請他們與一團火一起行動,感受持續關愛基層學童之重要,亦從而開拓自己視野。



3:由於現時義補計劃有42位畢業生,他們已升上了中學,未能繼續參加義補,但 我們仍想跟他們有連繫,跟進各個畢業生的前路,故決定安排一個「同行者」協助他們,陪伴成長。(報名及詳情:https://goo.gl/EnhWS1  )

0 意見:

張貼留言